الفرق بين الولد والبنت
بسم الله الرحمن الرحيم
* في الأكل *
البنت /
قبل الأكل تغسل يدها بصابون وتنشفها.
تمشي بخطوات هادئه وتجلس على السفره بكل رقه مثل الحوريه تثني رجليها لليسار وكنها بتطيح على جنبها
تمسك الملعقة برفق..وتنظر اليها جيدا حتى تتأكد انها..تبرق
تقول بصوت ناعم""بسم الله ""
تبدأ بأكل السلطه حتى تفتح شهيتها
تاخذ الرز بالملعقه بحيث لايتجاوز عدد الرزات 17 حبه فقط
تمضغ الطعام جيدا وبدون ماتطلع اي صوت
اذا خلصت الاكل تحط الملعقه مقلوبه ع جنب و تقوم بروقان تروح تغسل وتتعطر عشان ريحة الزفر
فديتنا والله
أما الولد //
يقوم من النوم بعد الظهر ومتجه مباشره للسفره وهو مشمر الذراعين
يجلس على السفره كانه بيلبــــــــق(ونش)
يدخل يده كامله في الصحن تاركا مسافة 2 سم بين كل اصبع والثاني
يطلع يده من الصحن ويدخلها وماحملت بفمه المفتوح 20 سم
يمضغ الاكل بحركة ( البعير )
وبعد مايخلص يطلع صوت بايخ و يتكي بجنب السفره ساعه او ساعه ونص وهو ماغسل
ويمكن ياخذ له غفوه
* اللابتوب *
البنت /
الجهاز يفتح النفس ويلمع لمعان وريحته عطر هادي
عليه اكسسوارات نعومه وذوق
عند بدء التشغيل صوت ميوزك رومانسي
خلفية الشاشه فيديو متحرك بألوان رايقه
الملفات المحفوظه همس الحب - نبض القلب - نفحات شعريه - ومعظم ملفاتها ازياء ومكياج
نكات الماسنجر :
بيت شعر وكله ورود
وصورة العرض بنوته متلثمه او مستحيه
المستندات الأخيره :
< كيف تصنعين عطرك بنفسك .
< صور الفنانات قبل التجميل وبعد .
< تنظيف البشره والحفاظ عليها
< اسماء مصممين وعروض ازياء
عند ايقاف التشغيل تغلق كل صفحه مفتوحه وبهدوء تختار ايقاف التشغيل و تسكر الشاشه
أما الولد //
الجهاز كله غبار وبعض أجزاؤه مفقوده وخربانه
زر الفتح مكسور ويشغله بقلم
عند التشغيل تفتح له صفحات واجد اما برامج غير محدثه او تحذيرات من فايروس أو صفحات نسي يقفلها اخر مره
الملفات ( المهستر - أغاني مسرعه - خااااااااص جداً )
خلفية الشاشه سيارات أو وجه مرعب أو أسلحه
نكات الماسنجر /
هكرز 2012 - المرعب - واسماء تخوف البنات أو تجذبهم المحب - الحنون - الرومانسي
صورة العرض واحد ماسك سيجاره
عند ايقاف التشغيل بدون اي مقدمات يسحب المحول من الكهربا وانتهت السالفه
* الجوال *
جوال البنت
لونه أبيض أوردي أو أحمر
اكسسواره روعه والوان تفتح النفس
كل يوم بكفر جديد وحركات
ع طول بطاريته تمام ومحافظه عليه
النغمه ميوزك أو صوت عصافير
الخلفيه قلوب او دبدوب
او بنت دلوعه
الاسماء /
ريما
سوسو
ميمو
حياتي
ست الحبايب
بابا
الغالي < الاخ طبعا
الكوافير
المسجات /
دلع اما نكت او رومانس
ماتحصلون شطحات ابد
المنبه /
مضبوط عالساعه 6 الصبح خصوصا اذا وراها دوام
مدة بقاء الجهاز معاها 6 شهور بالكثير بعدين تغيره
مكان وضعه / دايما بيدها ووقت النوم تحت الخده
أما الولد //
اللون اما رمادي أو أسود
كله رضوض وتكسير
والشاشه يمقن تشتغل ويمقن لا
وان اشتغلت تكون ضبابيه
الخلفيه عالاغلب مافيه خلفيه
النغمه العاديه أو صوت رشاش أو دوريه
الأسماء /
محمد < البوفيه
الغسال موسى
مطعم ..
مطعم ...
مطعم .. الخ
النشبه
الدلخ
الشاكوش < الاب
الدوريه < الام
ساهر < الزوجه لو متزوج
المسجات كلها من الاتصالات أو المرور
واذا مره تطور اشترك بخدمه من خدمات الرسايل الاخباريه
المنبه / مايدري اصلا ان في الجوال اختراع اسمه المنبه
مدة بقاء الموبايل /
تتراوح مابين سنتين الى ثلاث واذا الجهاز فيه حيل يواصل باقي العمر عادي ماعنده مشكله
مكان وضعه /
في جيبه دائما أو مع المفاتيح بجنبه
ووقت النوم يقفله ويحطه عالتلفزيون او بجنب الرسيفر
